In
September 1974 begin Mev. v.d. Walt ‘n groepie met 5 kleuters
in die NG Kerksaal. Mev. T. Conradie sluit in 1975 by haar
aan as hulp.
Op 1 Julie 1975 word die Groep geregistreer by die D.V.O.;
die eerste Ouerkommitee word gestig;
Mev. Conradie word as die Hoof aangestel en ‘n kompetisie
word gehou om vir die skool ‘n naam te kry.
Vanaf
September 1975 staan die skool bekend as Woelwater Pre-Primêre
Skool.
In Junie 1976 vertrek Mev. Conradie na Transvaal en Mev.
Ingrid du Plessis (later Millar) word as die Hoof aangestel.
In 1979 betrek Woelwater kleuters en Personeel hulle nuwe
gebou; die planne is opgetrek deur
Mnr. M. de Villiers.
Amptelike
opening vind plaas in 1980. Mev. Lana Vosloo word vanaf
1984 as Hoof aangestel waarna Mev. Celia v.d. Merwe oorneem
as Hoof in Mei 2005. Woelwater Pre-Primêr dien na
35 jaar steeds met trots die gemeenskap van Amanzimtoti.
VISIE
Om 'n grondslag
te lê wat gebasseer is op geloof en vertroue in ons
Hemelse Vader en sy aan sy met ons ouers te bou aan ons kleuters
se suksesvolle toekoms.
Om sekuriteit te bied aan ons kleuters deur middel van struktuur,
liefde en roetine en sodoende geluk en emosionele ontwikkeling
te verseker.
MISSIE
Ons
bereik ons Visie deur:
Konstante
hoë standaard Christelike onderrig aan ons kleuters te
bied.
‘n
Geintegreerde program te volg wat die voorgeskrewe Hiersiene
Nasionale Kurrikulum insluit, in ‘n veilige liefdevolle
omgewing waar elke kleuter op sy eie pas tot sy/haar volle
potensiaal ontwikkel.
Elke
kleuter as ‘n individu te sien en sy/haar menswees te
vestig op die Ses
Pilare van Karakter, naamlik: Regverdigheid,
Verantwoordelikheid, Burgerskap, Omgee, Respek en Betroubaarheid.
ONS
LEUSE "'n Goeie begin het nooit 'n einde nie" spreek vanself
Mark.
10:16: Hy het Sy arms on die kindertjies gesit,
en hulle die hande opgelê en hulle geseën.
Om
uit te vind : HOE FUNKSIONEER 'N PRE-PRIMêRE SKOOL WAT ‘N
GEïNTEGREERDE OF OOPDAGPROGRAM VOLG:
Klik hier
